પ્રદીપકુમારની કલમે…

                   રવિ અને કવિ

તાઃ૫/૫/૨૦૧૦                         પ્રદીપ બ્રહ્મભટ્ટ

જતન જીવના કરતા પ્રભુજી,ના મળે કોઇ અણસાર
પામર જીવ પણ સરળ રહે,જ્યાં રવિ કવિ સહવાય
                          ………જતન જીવના કરતા પ્રભુજી.
પ્રભાતના કોમળકિરણો દીસે,જે જગે ઉજ્વળતાજ દે
જાગી જગતમાં જીવો ફરે,પાવન જીવન કરવા છેક
કિરણ ઉજ્વળતાના દેવાને,પ્રભાતને સંધ્યા રવિ કરે
કુદરતની આ ન્યારી લીલા,પ્રભુ કૃપાએ જ મળી રહે
                        …………જતન જીવના કરતા પ્રભુજી.
માની કૃપા અતિ દયાળુ,જે બુધ્ધીની સંગી બની રહે
ઉદય અસ્તનો સંબંધ રવિને,કવિને કોઇ ના કળી શકે
શબ્દોના સહવાસમાં જગતમાં,સૌનો પ્રેમએ મેળવીલે
નાપહોંચે જ્યાં રવિ જગતમાં,કવિતો ત્યાં પહોંચી જશે
                         ………….જતન જીવના કરતા પ્રભુજી.

================================

                       ચોતરો

તા૫/૫/૨૦૧૦                             પ્રદીપ બ્રહ્મભટ્ટ

સર્વ કાર્યની શુભ શરૂઆતમાં,ગ્રામ્યજન ભળી જાય
ઉત્તમ કામની સફળતા રહે,જ્યાં ચોતરે પુંજન થાય
                        ……….સર્વ કાર્યની શુભ શરૂઆતમાં.
માલીક નોકરના ભેદ ભુલીને,ધ્યેય સૌનો રહેછે એક
હળીમળી સૌસાથ રહેજ્યાં,થાય ગામમાંકામ અનેક
ના મુખી નોકર કે ગ્રામીણ કોઇ,મનમાં ધ્યેય છે નેક 
મળીજાય જ્યાં સાથસાથીનો,બને ગામ ગૌરવ એક
                           ………સર્વ કાર્યની શુભ શરૂઆતમાં.
સુખને સૌ મળી માણે ચોતરે,ને દુઃખમાં પણદે સહવાસ
માનવતાની મહેંક આએવી,સુખદુઃખમાં સાથે ભોગવાય
ન્યાયમળશે જ્યાં અન્યાયથશે,ને અપંગને મળશે સાથ
કુદરતની કૃપા પણ મળશે,જ્યાં પ્રદાન સુખનુ જ થાય
                            ………સર્વ કાર્યની શુભ શરૂઆતમાં.

===============================

                     ફરજના બિંદુ

તાઃ૫/૫/૨૦૧૦                           પ્રદીપ બ્રહ્મભટ્ટ

દાનવીર દાતારની કૃપાએ,જીવને જન્મ મળી જાય
પામર દેહની અકળલીલા,સાચી ભક્તિએ છુટી જાય
                   …………દાનવીર દાતારની કૃપાએ.
આગમન અવની પર દેહનું, કર્મબંધનથી મેળવાય
સગપણનો સહવાસરહે,જ્યાં માયાની દ્રષ્ટિપડીજાય
વિચારના વમળમાં રહેતા,જીવનપણ વેડફાઇ જાય
નાઆરો કે ઓવારોરહે,જ્યાં ફરજના બિંદુ વહી જાય
                    ………..દાનવીર દાતારની કૃપાએ.
દેહ મળતાં સંગ માબાપનો,ને મળે ભક્તિનો સંગાથ
અમૃત મળે જ્યાં દેહે જગમાં,જન્મ સાર્થક થઇ જાય
ના વળગે માયા જગતની,જેથી યુગે યુગેછે ભટકાય
ફરજની એક લહેર મેંળવતાં,આશીર્વાદની વર્ષાથાય
                     ………..દાનવીર દાતારની કૃપાએ.

==============================